Quen somos
Unidos pola escena, o pensamento e a emoción
Somos artistas, creadoras e xestoras que compartimos unha visión común: facer do teatro un espazo de encontro, risco e transformación. Cada un de nós aporta a súa sensibilidade, a súa mirada e a súa experiencia para construir proxectos que conecten co público desde a honestidade e a procura constante.
María Peinado
Directora e dramaturga
Fran Lareu
Actor
Anxo García
Actor e titiriteiro
María Peinado
DIRECTORA e DRAMATURGA
Titulada Superior en Arte Dramática (Interpretación textual) pola ESAD de Galicia. Formada en Filoloxía Inglesa na UDC e a Universidade de Nottingham Trent no Reino Unido.
Na súa labor como dramaturga no 2026 obtén o VIII Premio Laudamuco de Teatro polo seu texto MASEIRA. Como dramaturga e directora estrea en 2024 o espectáculo UN TAL ROMEO con A Ramboia co que a compañía obtén unha nominación aos futuros María Casares 2026. Tamén en 2024 estrea o espectáculo E ENTÓN, UN XARDÍN, no que foi responsable da dirección, a dramaturxia e o deseño do espazo escénico e sonoro.
En 2023 é asesora de texto na dirección de O DRAGÓN DE OURO da compañía Sarabela Teatro, espectáculo gañador de catro premios María Casares. No ano 2020 acada o Premio María Casares á Mellor Dirección e o Premio María Casares á Mellor Adaptación por O Meu Mundo non é deste Reino de A Ramboia, obra estreada en 2019.
Ese mesmo año, realiza a dirección escénica da primeira ópera bufa en galego O LORO DE CARLOS V con Nani García e Miguelanxo Prado. Codirixe o espectáculo A CORVA con Cristina Collazo de A Cova das Letras, e en 2020 escribe a dramaturxia e dirixe NOITE DE REIS NO PLANETARIO para o Concello de Ourense.
No seu traballo como escritora, en 2018 participa na escritura poética e publicación dun libro de fotografías titulada I´M NO ONE, en colaboración coa fotógrafa Sabela Peinado. O resultado deste traballo exhibiuse en Brick Lane, Londres.
A súa obra LAIO obtivo o segundo premio na categoría de relato policíaco en 2014, dentro do Concurso Nacional Vigo Histórico organizado pola Editorial Elvira. En 2015 e 2016, respectivamente, os seus relatos PEDRA E SAL e AURORA foron publicados pola mesma editorial nas antoloxías Relatos na Rúa II e III.
Fran Lareu
ACTOR
Titulado Superior en Arte Dramática na especialidade de Interpretación Textual pola ESAD de Galicia. Trompetista formado no conservatorio profesional de Lalín.
Estuda na escola Espazo Aberto de Santiago de Compostela. En 2005 obtén unha bolsa de estudos da Unión Europea dentro do programa Youth Theatre Study para un curso de teatro e circo na República Checa.
En 2006 comeza a súa carreira coas compañías Viravolta Títeres e Seisdedos, aprendendo o oficio de titiriteiro.Continúa a súa carreira teatral con varias compañías profesionais, coas que realiza diversas montaxes con compañías como Teatro da Gavela, Fantoches Baj, Zancalino Produs, Boneca Lareta, Elefante Elegante ou o Centro Dramático Galego.
Foi co‐fundador da compañía ilMaquinario Teatro, coa que realiza as obras O Home Almofada, Perplexo e Resaca polas que resulta finalista a Mellor Actor Protagonista nos Premios María Casares 2013, 2014 e 2017 respectivamente.
En 2019 crea a compañía A Ramboia xunto a Anxo García e María Peinado coa que producen nese mesmo ano O Meu Mundo non é deste Reino.
En 2021 recibe o Premio María Casares a Mellor Actor Secundario polo espectáculo A lingua das Bolboretas de Sarabela Teatro. Compañía coa que tamén traballa en Crónicas do Paraíso, Semente de Nós ou O Dragón de Ouro. Volve a ser finalista ao premio María Casares a Mellor Actor Secundario polo espectáculo Hamelin de Redrum Teatro en 2024.
No 2026 recibe o Premio María Casares a Mellor Actor Protagonista por un tal Romeo de A Ramboia e o Premio María Casares a Mellor Actor Secundario por Reconversión de Ibuprofeno Teatro, feito que nunca antes se producira nos 30 anos de historia dos premios.
Ten unha longa traxectoria como actor no audiovisual en series como La Promesa de TVE, a segunga tempada de Clanes ou El Caso Asunta para Netflix, a segunda tempada de RAPA para Movistar +, la serie de TVE Estoy Vivo, foi un dos protagonistas da serie Fariña, participa na segunda tempada de Vivir sin permiso e nas series de TVG A Estíba (pola que é finalista a Mellor Actor de reparto no Mestre Mateo), O Faro, Fontealba ou Serramoura e películas como: Contou Rosalía de Zaza Ceballos, María Solinha de Ignacio Vilar, Tres de Juanjo Giménez ou Código Emperador de Jorge Coira.
Anxo García
ACTOR e TITIRITEIRO
Comeza realizando diversos traballos como dinamizador cultural en Lalín ata que en 1982 forma xunto con outras persoas a compañía Viravolta Títeres. Compañía que ata hoxe produciron máis de trinta espectáculos, participando en catro coproducións e en tres montaxes experimentais.
No ano 1994, no seo de Viravolta, Anxo García funda Seisdedos, compañía centrada na producción de espectáculos de medio e pequeño formato, onde prima a interacción co público e se combinan técnicas de actor con técnicas de marionetas.
Ademáis da produción e distribución de espectáculos de títeres realizan outras actividades, cursos, exposicións, programacións (Titerentroido, Titirideza e Cantos e contos do Nadal); sempre relacionadas co mundo da marioneta.
En paralelo ao seu traballo en Viravolta e Seisdedos, Anxo García participa en espectáculos de diversas compañías como as seguintes: Os Quinquilláns, Ghazafellos, Teatro da Gavela, A Cova das Letras ou o Retablo das Marabillas.
Como actor/manipulador traballa coas compañías Viravolta Títeres, Seisdedos, a Ramboia, Os Quinquilláns, O Retablo das Marabillas, Teatro da Gavela, A Cova das Letras e Ghazafellos.
Como constructor de marionetas e de escenografías traballa con Viravolta Títeres, Seisdedos, a Ramboia, Os Quinquilláns, O Retablo das Marabillas, Teatro da Gavela e A Cova das Letras. Realiza o deseño de exposicións de marionetas en varios centros comerciais e institucións.
Unha forma colectiva de facer e estar
O noso traballo nace do diálogo, do pensamento crítico e do compromiso co presente. Cremos nos procesos colaborativos e no valor do teempo compartido para imaxinar xuntas novas formas de contar e de estar en escena.
Inspírannos as preguntas máis que as respostas, o invisible tanto como o evidente e a posibilidade de provocar unha emoción que deixe pegada. Facemos teatro porque cremos na súa capacidade para transformar miradas e abrir conversacións necesarias.
Coñece máis sobre o noso percorrido
Desde os nosos inicios, creamos pezas que dialogan coa realidade e con quen a habita. Se queres saber máis sobre o noso camiño, as obras e os procesos que nos definen, convidámoste a visitar a páxina da compañía.